BUNGE LAUNDA KAMATI KUCHUNGUZA VUZURUGU MTWARA

 

Mbunge wa Same Mashariki Mhe. Anne Kilango Malechela akichangia hoja Katika jitihada za kutafuta ufumbuzi wa mgogoro wa ujenzi wa bomba la gesikutokaMtwarahadiDaresSalaam,Bungelimeundakamatiyawatu13kuchunguza mgogoro wa mradi huo. Hatua hiyo ilitangazwa jana bungenina SpikaAnne Makinda, na kuongeza kuwa imeiunda kwa mujibu wa kanuni ya tano ya Kanuni za Kudumu za Bunge toleo la mwaka 2013.Aliwataja wajumbe wa kamati hiyo kuwa ni......
Charles Mwijage ( Muleba Kaskazini-CCM) Mwenyekiti. Wengine ni Said Arfi (Mpanda Mjini-Chadema), Dk. Dalaly Kafumu (Igunga-CCM), Said Nkumba (Sikonge-CCM), Cynthia Ngoye (Viti Malum-CCM), Hamad Rashid Mohamed ( Wawi-CUF), Ramo Makani ( Tunduru Kaskazini-CCM) na Muhammad Amour Chomboh (Magomen-CCM).

Wajumbe wengine ni Cecilia Paresso (Viti Maalum-Chadema), Rukia Kassimu Ahmed (Viti Maalum-CUF), Mariam Kisangi ( Viti Maalum-CCM), Agripina Buyogera (Kasulu Vijijini –NCCR-Mageuzi) na Suleimani Jafo (Kisarawe-CCM).

Alisema hadidu za rejea ni kuchunguza chimbuko la mgogoro, kufuatilia hatua zilizochukuliwa na serikali kutafuta ufumbuzi, kukutana na wadau mbalimbali ili kupata maoni yao kuhusu mradi ya gesi asilia na kuangalia mambo mengine yenye uhusiano na mgogoro huo.

Spika alisema kuundwa kwa kamati hiyo kunatokana na kikao cha Kamati ya Uongozi ya Bunge, ambayo ilipendekeza Bunge liende kuwasikiliza wananchi kuhusu hofu ya kujengwa bomba hilo.

“Kamati ya Uongozi iliagiza kuwa katika mazingira ya utulivu na amani, kamati ikutane na wananchi mbalimbali na kuwasikiliza hoja zao. Nawasihi wananchi, kamati itakapokuja wawe watulivu, wawazi, na huru kutoa mawazo yao bila wasiwasi na mashaka,”alisema.

Alisema kamati itapata nafasi ya kutosha ya kukutana na wananchi, vikundi, taasisi na watu binafsi.

Kwa mara ya kwanza vurugu hizo zilijitokeza Januari 31 mwaka huu, kupinga ujenzi huo, lakini hali ya usalama ilikuwa mbaya wiki hii baada ya Wizara ya Nishati na Madini kuwasilisha bajeti ambayo pamoja na mambo mengine iliyozungumzia ujenzi wa bomba hilo.

Kutoka na machafuko Bunge liliahirisha shughuli zake Ijumaa na kuipa nafasi serikali itoe taarifa ya usalama mkoani Mtwara.

BY SHARON SAUWA

SOURCE: NIPASHE JUMAPILI